Արտույտը հիմնադրվել է նպատակ ունենալով ճանաչելի դարձնել հայկական արվեստը, թե Հայաստանի ներսում, թե նրա սահմաններից դուրս: Մենք ստեղծում ենք մետաքսե, քաշմիր, բրդյա շարֆեր, փողկապներ և գրպանի թաշկինակներ հայ ժամանակակից նկարիչների նկարներով և կոլաժներով։ Գեղեցիկ և յուրօրինակ շարֆերի միջոցով Ձեզ հնարավորություն կընձեռնվի ճանաչել հայկական արվեստի բարձրարվեստ նմուշները՝ սկսած միջնադարյան մանրանկարչությունից մինչև ժամանակակից աբստրակցիոնիզմ։

Գայանե Խաչատրյանի ստեղծագործություններն աչքի են ընկնում զուսպ, գաղտնի գույներով՝ միահյուսված վառ ու ընդգրկուն գունային գունապնակներով, որոնք կտավը վերածում են բանաստեղծական որմնանկարի ու հեքիաթային տեսարանի։

Գայանե Երկանյանը խաղում է սև հարվածների տարբեր ռիթմերով և ավելի շատ ուշադրություն է դարձնում հենց սպիտակ տարածությանը, քան սև հարվածների երկարությանը:

Ասեղնագործությունը, որպես հայկական արվեստի կարևոր և հանրաճանաչ տեսակ, ներկայացնում է մեր բազմաշերտ մշակույթը և պատմական զանազան անցքերը, հին ժամանակների Քրիստոնեական հայացքներն ու հավատալիքները, գեղագիտական ընկալումները, հայկական տիպիկ հորինվածքները, ոճային առանձնահատկությունները և ասեղնագործության բազմազանությունը։

Վազգեն Բաժբեուկ-Մելիքյանի ստեղծագործական ընթացքն անմիջականորեն կապված է վերջինիս խիստ անհատական աշխարհայացքի հետ և պայմանավորված է նրա ներամփոփ խառնվածքով: Իր աշխատանքներում նա առաջնորդվում է՝ իրականության մեջ այլևս բացակայող գաղափարները, պատկերաձևերը նոր իրականության փոխակերպելու սկզբունքով:

Այս և շատ այլ ձեռագործ պատառիկների փրկությունը խոսում է մեր ազգի հոգևոր յուրատեսակ հատկանիշների մասին։ Անգամ ամենաօրհասական պահերին հայ գաղթականներն իրենց հետ են վերցրել ասեղնագործ նմուշներ՝ իբրև հոգևոր և մշակութային հիշողության հավաստիք։