Վրույր Գալստյան

Վրույր Գալստյանը Հայ ժամանակակից կերպարվեստի ամենակրակառուն կերպարներից մեկն է։ Նա ծնվել է 1924 թվականին Երևանում։ Մահացել է 1996 թվականին Երևանում։

Վրույր Գալստյանի արվեստի մեջ մեծ դեր են խաղացել Մարտիրոս Սարյանը և Երվանդ Քոչարը։

Վրույր Գալստյանի գեղանկարչությունն իր բարդ աշխարհը մուտք գործելու համար պահանջում է երկար մտորումներ։ Նկարչին բնորոշ է ստեղծել արտաքինից ստատիկ, ներքինից դինամիկ, շարժուն, կոմպակտ աշխարհ, այդ իսկ պատճառով նրա մոնումենտալ կտավները հագեցած են գեղանկարչական դինամիկ ենթատեքստով, կարող են անտրամաբանական թվալ, սակայն հենց դրանց հակազդեցության մեջ սևեռված է հզոր էներգիա, ներդաշնակություն և տրամաբանություն։

Վրույրը իր ստեղծագործություններում հասնում է կուբիզմի և ֆովիզմի՝ ձևի և գույնի, սինթեզին։ Նման համադրությունը չափազանց հազվադեպ է պատահում։ Դժվար է ասել, թե որ գույնն է Վրույրի համար առավել հարազատ, նախընտրելի, նրան ենթարկվում է գունային ողջ բազմազանությունը։Վրույրին առանձնապես չեն գրավում նրբերանգները։ Ակամայից հիշում ես Վան-Գոգին. «Անհնար է տալ և՜ նրբերանգներ, և՜ գույնը…Պետք է ընտրել դրանցից մեկը, ինչը և ես պատրաստվում եմ անել։ Ես, ամենայն հավանականությամբ, նախըբտրում եմ գույնը»։